Charla: ’Viktimanan di guera antiano’

E charla ta konsistí di dos parti. Despues di e introdukshon di e promé segmento ta pasa un grabashon kòrtiku den kua por tuma nota di un kompilashon di imágennan ku a graba durante di Segundo Guera Mundial. E imágennan aki ta forma parti di e Archivo Nashonal di Historia Militar i posiblemente nunka a presentá nan na Kòrsou anteriormente.

Den e di dos segmento ta duna atenshon na historianan personal di e víktimanan di guera Antiano. Nan historia ta ilustrá kuantu sakrifisio personal nan a hasi na diferente parti di mundu. E historianan aki ta duna un kara na e nòmbernan ku ta aparesé riba e plachi di nòmber nobo ku próksimamente ta desvelá na e monumento di víktimanan di guera na Waaigat.

Jos Rozenburg (1960) ta ofisir di Marina Real. Entre 2005 i 2008 e tabata stashoná na Kòrsou. Na aña 2006 el a kuminsá ku un investigashon tokante e víktimanan di guera Antiano. El a publiká e resultadonan despues di 8 aña di investigashon na Kòrsou, Aruba, Merka. Esakinan el a publiká den e buki ˈDe Antillen in de Tweede Wereldoorlogˈ. Den e buki aki e ta presentá 37 nòmber nobo di víktimanan di guera Antiano ku Gobièrnu di Kòrsou a aprobá.

E charla ˈDe Antilliaanse oorlogsslachtoffersˈ ta na hulandes i ta kuminsá 19:30. Mester registrá adelantá. Esaki por durante ora di ofisina di Archivo Nashonal na number di telefòn 4614866.