Sera konosí ku historia di Segundo Guera Mundial na Kòrsou. Mira imágennan ku lo konta di bida diario, defensa, gobernashon i ekonomia di nos isla durante e periodo aki. Segundo Guera Mundial tabata tin impakto riba tur área di bida.

Ta hopi importante pa Kòrsou i henter mundu sa di e impakto ku Segundo Guera Mundial tabata tin akinan i di e papel krusial ku nos isla a hunga durante guera. Nos hendenan a yuda defendé pais i nos refinerianan, nos a rekoudá fondo pa Hulanda i hopi mas. Tambe pueblo a pasa den skarsedat i blèk out, verduistering.

Nos website tei pa eduká i informá tur hende di tur aspekto di e historia aki. Na 2015 Guera na Kòrsou a keda lansa durante un eksitoso eksposishon na Museo di Kòrsou ku a habri den presensia di Prensès Beatrix di Hulanda.