Bida ta sigui
Di un banda bida a sigui durante guera. Despues ku gobernador Wouters a proklamá guera ofishalmente, mayoria pueblo di Kòrsou no a sinti masha efekto di guera.
Pero pa un doshen Aleman bibá akinan si tur kos a kambia. E mesun dia a arestá nan i deportá nan pa un kampamentu na Boneiru. Kiko a pasa ku nan kas, nan negoshi? Algun famia Aleman su bida a kambia pa semper.
Sobra di pueblo a sinti algun efekto mas despues. Por ehèmpel tabata tin skarsedat di algun komestibel durante guera. Un temporada a esta restringí kiko por kumpra. Nos ta mustra bo tambe kua produkto di luho tabata riba e asina yama ‘kaviaarlijst’.
Bida a sigui sigur ku diferente funshon di músika i teater. Hopi tabata pa rekoudá fondo pa yuda Hulanda pasa e añanan di guera. Ta kurioso mira den e área ki por ehèmpel un lista di un empresa di kua tur empleado a duna un kontribushon pa yuda Hulanda.
Pa protehá kontra atakenan di supmarino aleman a instituí blèkout. Ora solo baha, tur lus mester tabata paga. Kon tabata pa biba, kome i resa den suku?
Algun artista a deskribí esakinan den kantika. Pero tambe artistanan manera Maximiliano Nepomuceno a traha obra di arte tokante Segundo Guera Mundial. Tur esakinan den Bida ta sigui.
