Orador: Max Scriwanek

Archivo Nashonal ta presentá un charla titulá George Maduro, héroe di resistensia di Kòrsou (George Maduro, verzetsheld uit Curaçao) djarason 1 di yüli próksimo. Orador ta drs. Max Scriwanek, direktor di Archivo Nashonal. Esaki ta e di sinku charla den e siklo di charla den kuadro di e eksposishon Guera na Kòrsou?!

Tin hopi informashon general di George John Lionel Maduro (Kòrsou, 15 yüli 1916 – Dachau, 9 febrüari 1945). E informashonnan aki por haña nan na Archivo Nashonal tambe. Pero resientemente a diskubrí korespondensia ku ta duna un mihó bista di e periodo ku Maduro tabata skondí i tabata hasi trabou di resistensha. A haña korespondensia tambe di ku e tabata enkarselá. Den e periodo aki su amigu i kompañero di estudio Oncko Wttewaall van Stoetwegen tabata korespondé ku su mayornan. Den e charla di 1 di yüli ta bai duna un bista di e informashonnan nobo ku a bira disponibel.

Max Scriwanek ta hefe di Archivo Nashonal for di 1 di yüli 2014. E ta outor di e buki De Momon cyclus: 175 jaar Maduro Entrepeneurs op Curaçao. Tambe e ta co-outor di 1499-1999 De bewoners van Curaçao 500 jaar lief en leed.

Archivo Nashonal Kòrsou
Scharlooweg 77- 79
Kòrsou
Idioma: hulandes

Entrada: grátis