Guera na Kòrsou?! ta organisá un tremendo Familyday ku un speurtocht pa henter famia, un mesa di obra di man i un kontadó di kuenta. Famianan por partisipá na e speurtocht ku ta bai ku den henter e eksposishon ku plachi pa buska pa esnan di mas chikí i pregunta pa esnan mas sabi den famia deskubrí.
11.00 or nos kontadó di kuenta Roland Ròi Colastica ta laga nos biaha den tur e espasionan di e eksposishon. Un biahe ku ta kuminsá ku di historia di héroenan i ta kaba den skuridat. Abo ta tribi di ban kuné?
Na final muchanan por partisipá na un mesa di obra di man ku e tema héroe. Por sigui bishita e eksposishon henter dia te ku 4 or di atardi.
Sitio: Museo di Kòrsou
Adrès: Van Leeuwenhoekstraat z/n, Mundu Nobo
Entrada ta grátis