Pa por a produsí kombustibel pa e ehérsitonan aliado, nos refineria a traha masha duru mes durante guera. Ekonomia a krese masha. Banda di sifra di kuantu refineria a produsí, nos ta laga bo mira e proseso di ekspanshon durante guera.

Tambe a trasladá asiento ofishal di empresanan hulandes i indones pa Kòrsou pa evitá ku nan ta kai den man di enemigunan: nasementu di offshore. Nos a logra haña un publikashon di un dje empresa nan ei di e aña ku guera a kaba. Bin lesa un pida di dje.

E kresementu ekonómiko ku a konosé durante guera a krea tambe mas konfiansa den nos mes, loke na su lugá a stimulá e yamada pa mas outonomia den Reino. Nos ta laga bo tende e spich konosí di Reina Wilhelmina ku e palabranan ‘Steunend op eigen kracht, doch met de wil elkander bij te staan’ ku a inspirá e lucha aki.

Bishita di tantu promé dama merikano Roosevelt i Prensès Juliana i Prens Bernhard ta mustra e balor stratégiko ku Kòrsou tabata tin e tempu ei.